Մերկուրին, Մարսը, Յուպիտերը, Ուրանը, Նեպտունը, Սատուրնը կշարվեն Արեգակի մի կողմում չորեքշաբթի՝ օգոստոսի 28-ի առավոտյան: Մոլորակների պայմանական շքերթը երկնքում մի հատված կզբաղեցնի մոտ 160 աստիճանի սահմաններում, ՏԱՍՍ-ին հայտնել են Մոսկվայի պլանետարիումի մամուլի ծառայությունից։
Օգոստոսին Մարսը, Յուպիտերը, Ուրանը, Նեպտունը և Սատուրնը տեսանելի կլինեն կեսգիշերից մինչև լուսաբաց: Դրանք բոլորը կտեղակայվեն ծագող Արեգակից արևելք (աջ կողմում):
Պարզ եղանակին «շքերթի մասնակիցներից» մի քանիսին կարելի է տեսնել անզեն աչքով, իսկ մնացածը՝ հզոր հեռադիտակով կամ աստղադիտակով։
«Աստղագիտության մեջ մոլորակների՝ «մոտ լինելու» հստակ չափանիշ չկա, հետևաբար «մոլորակների շքերթ» տերմինը որակական բնույթ է կրում»,- պարզաբանել են կազմակերպությունից։
«Մոլորակային շքերթ» դիտվում է, երբ անզեն աչքով տեսանելի մի քանի մոլորակներ բավական մոտ են միմյանց: «Մոլորակների մեծ շքերթ» է տեղի ունենում, երբ այս կերպ հավաքվում են հինգ կամ ավելի մոլորակ: «Փոքր շքերթ» է տեղի ունենում, եթե մոտակայքում չորս մոլորակ է: Մոլորակների փոքր շքերթները տեղի են ունենում մոտավորապես 20 տարին մեկ անգամ, մեծերը՝ շատ ավելի հազվադեպ:
English
Русский
