Մայրն ասում է՝ երեխայիս ասել են տանենք խեղդենք, որ բանակ չգնա, ու ժամեր անց իրեն հայտնել են, որ երեխան խեղդվել է

Մայրն ասում է՝ երեխայիս ասել են տանենք խեղդենք, որ բանակ չգնա, ու ժամեր անց իրեն հայտնել են, որ երեխան խեղդվել է

Իրադարձային Ipress 2020-04-03 21:13:00 11118
Հետևեք մեզ՝ Telegram-ում
bass_RsU3F.jpg

SHAMSHYAN.com-ի խմբագրություն է ահազանգել Արագածոտնի մարզի Արագածավան գյուղի բնակչուհի Քնարիկ Փիլիպոսյանն ու հայտնել, որ նախորդ տարի իր 18-ամյա տղային հայտնաբերել են ջրատարի մեջ խեղդված վիճակում, մինչդեռ, ըստ մոր կասկածների, իր տղան ոչ թե խողդվել է, այլ սպանել են:

 

Աղբյուրիի թղթակցի հետ զրույցում տիկին Քնարիկն ասում էր. «Նախորդ տարի հուլիսի 24-ին իմ տղան Երեւանից եկավ գյուղ, գնացել էր համալսարան՝ պայմանագիր կնքի ու տեղեկացնի, որ ցանկանում է «Ես եմ» ծրագրով զորակոչվի բանակ: Տղաս եկավ տուն, մեր բակի 3 տղա երեխաներ, ովքեր իրենից տարիքով փոքր էին, եկան մեր տուն, երեխուն հանեցին տանից, հայաթում կատակ արեցին, տղաներից մեկն էդ պահին ասեց՝ երեխուն տանենք կանալը խեղդենք, թող բանակ չգնա, կատակի տվեցինք, անցավ գնաց: Երեխես պետք է 26-ի առավոտ բանակ գնար, էն էլ 24-ը 26-ից շուտ եկավ»,- պատմեց մայրը, շարունակելով.

«Ժամը 16:30-ի սահմաններում տղուս տարան տանից, ժամը 17:30-ին խաբարն եկավ, որ երեխես խեղդվել ա: էդ 3 ընկերները խաբեցին տարան, թե իբր գնում են դաշտից աստիճան բերելու, բայց գնում են կանալ, ու չգիտեմ….դիտավորյալ սպանեցին, թե ինչ արեցին: Իմ երեխեն մաքուր շորերով եկել ա Երեւանից, նույն շորերով գնացել ա, բայց շորերի վրա լրիվ լաքաներ էր, դեմքն ամբողջությամբ ծեծված, ձախ ունքի վերեւը բացված էր, աչքի տակ և ականջի վրա կային քերծված հետքեր, աջ կողմն էլ էր վնասված, քիթն էլ էր ջարդված, ահավոր ծեծված էր, ու նենց տպավորություն էր, որ էդ իր բլուզկով արյուն ու քրտինք է սրբել: Քննիչը մեր իրավահաջորդի թղթի վրա գրել է, որ 3 տղաները տարել են Փիլիպոսյան Դավիթին գերեզմաններին կից Ախուրյանի ջրանցքի մոտ, հասցրել մարմնական վնասվածքներ, հետո տղան ջրահեղձ է եղել:

Սա նշանակում է, որ սկզբից ծեծել են, հետո միտումնավոր, հավանաբար, սպանելու նպատակով գցել ջուրը: Քրեական գործ չէր հարուցվել: Օգոստոսի 15-ին, երբ երեխու շորերը տեսա, զանգեցի դատախազություն, գնացել բողոքարկել ենք, արդեն գործը կարճվում էր բողոք չլինելու պատճառով, բայց նույն քննիչները չէին հասկանում, որ մենք սգի մեջ ենք, 18 տարեկան մինուճար տղա ենք կորցրել…էն էլ դաժան ծեծելու ու խեղդամահ անելու միջոցով»:

Որդեկորույս մայրը կարծում է՝ տղային նախ ծեծել են, ապա նետել ջրանցքը. «Դատաբժշկի եզրակացության մեջ գրված է՝ մահը կարող էր վրա հասնել կանավից եւ այլ հանգամանքներում, հենց էդ այլ հանգամանքը՝ ծեծել, ապա հետո ջուրը գցելն է նշանակում: Հանցագործներն իրենց տանը տղուս շորերը 8 օր պահել են, հետո են բերել տվել մեզ»: Մոր խոսքով՝ տղային ջրանցքից հանել է գյուղի նախրապանը.

«Մենք ամբողջ քննությունը բողոքարկել ենք, ինչի արդյունքում քննիչին փոխել են: Ամեն ամսի 24-ին ծաղիկ եմ տանում տղայիս գերեզմանին, բայց ծաղիկների գլուխները կտրում տանում են, չգիտեմ՝ սրանով ուզում են ինձ լռեցնեն, թե ինչ անեն, չեմ հասկանում: Գնացել էի Երեւան՝ հանրային պաշտպան վերցնելու, էն էլ ասին՝ շրջաններից եկած մարդկանց առանձին ընդունելության օր կա, իսկ գործը այս պահին գտնվում է Հայաստանի քննչական կոմիտեի Արագածոտնի քննչական վարչության վարույթում, չգիտեմ էլ ինչ անեմ:

Մենք պահանջում են քննչական կոմիտեի նախագահից, որպեսզի այս առեղծվածային ու դաժան սպանությունը բացահայտեն, հակառակ դեպքում մեր ընտանիքի անդամներով միանալու ենք ամեն հինգշաբթի կառավարությունում՝ բանակում սպանված ու կասկածելի հանգամանքներում զոհված զինվորների մայրերի բողոքի ակցիային: Ինչ տարբերություն, իմ տղան էլ պատրաստակամություն էր հայտնել ծառայել Հայոց բանակում, բայց ինչ-որ թափթփուկների ձեռքով նախ դաժանաբար ծեծվում, ապա գցվում է կանալը, իսկ Արագածոտնի մարզի քննիչները ցուցաբերում են ոչ պրոֆեսիոնալ մոտեցում, գուցե այլ շահերից ելնելով»

Поделиться
Класс
Send
erkrasharj_kAMT5.jpg

Երկրաշարժ տեղի ունեցավ Հայաստանում․ ԱԻՆ-ը մանրամասներ է հայտնում

kensatosak_kYZqo.jpg

Հայտնի է՝ երբ կվճարվի դեկտեմբեր ամսվա կենսաթոշակը

gayane-abgaryan_SjtdE.jpg

«Եռաբլուրում» զինվորական կարգով հուղարկավորեցին սեպտեմբերյան ագրեսիայից զոհված Գայանե Աբգարյանին․ Տտեսանյութ

kievyan-1_wtCRP.jpg

Ողբերգական դեպք Երևանում․ Կիևյան կամրջի տակ հայտնաբերվել է 24-ամյա երիտասարդի դի

hivandanoc_a7f03.jpg

14-ամյա տղան դանակահարել է մորը, հարվածներ հասցրած տղամարդուն

dolar-2_CPuiu.jpg

Դոլարը թանկացավ․ ԿԲ

rubli_0EJcC.jpg

Ռուբլին և եվրոն կտրուկ թանկացան․ ԿԲ

pasinyan_lmNXY.jpg

Կառավարության 3֊րդ մասնաշենքում «հագած֊կապած» սպասում են վարչապետին․ փակ հանդիպումներ կլինեն

lavrov-1_TMUJY.jpg

«Ըստ Ալմա Աթայի հռչակագրի՝ ԼՂԻՄ-ն Ադրբեջանի մասն էր»․ Լավրով

amanor_xKJEV.jpg

Հարցում. կո՞ղմ եք տոնական զարդարանքի համար 650 հազար դոլար տրամադրելուն

pasinyan-1_E9-4S.jpg

Թոշակը ևս 2 անգամ կբարձրացնենք 2023 թվականին․ վարչապետ

2023-tvakan_KfQ1n.jpg

2023 թվական` ինչպես դիմավորել, ինչ պատրաստել, ինչ հագնել

Իրադարձային 6939

Պեմզաշենում սպանության կասկածյալներից մեկը մշտապես եղել է դեպքի վայրում՝ հետևելով իրավապահների աշխատանքին

Իրադարձային 6348

Վրույրը խոստովանել է կատարածը․ Նա միայնակ չի եղել

Իրադարձային 3783

Պեմզաշենի գործով մեկ կին ևս ձերբակալվեց․ Նա նախկինում իր երեխային էր սպանել․ Բացառիկ մանրամասներ

Իրադարձային 3192

Հանցագործը գնացել էր տուն սեր խոստովանելու․ մանրամասներ

Իրադարձային 2784

Համացանցում տարածվել են Պեմզաշենի դաժան սպանության հեղինակների լուսանկարները

Իրադարձային 2670

«Այդ տղայի քույրը, հարևանի տղամարդի հետ կապից ունեցավ տղա երեխա, որպեսզի թաքցներ այդ երեխայի գոյության մասին, ասեղը մտցրեց այդ նորածնի գլխի մեջ՝ սպանեց»

Իրադարձային 2505

Հայտնի է Արմավիրում ողբերգական վթարից զոհվածների ինքնությունը․ Տեսանյութ դեպքի վայրից

Իրադարձային 2340

Կասկածյալը տեղեկացված է եղել սպանված ընտանիքի նիստուկացին․ Նոր մանրամասներ են հայտնի

Իրադարձային 2337

Հայտնի է՝ ով է եղել Վրույր Բարսեղյանի հանցակիցը

Իրադարձային 2244

Երեկ ողբերգական դեպքից մահացած երկու աղջիկները՝ Նոյա Կարապետյանը եւ Մարի Խամիսյանը ուսանողներ էին. Տեսանյութ