«Որդուս Ադրբեջանը սպանված է ուղարկել է, մարմինն անձամբ եմ ճանաչել»,- Հայտնել է տեսանյութից հայտնի գերու հայրը՝ Բարսեղ Գիշյանը:
Նշենք, որ ժամեր առաջ iPress.am-ը տեղեկացրեց, որ բացառիկ մանրամասներ են հայտնի դարձել գերեվարված Դավիթ Գիշյանի դեպքից։ Մեզ հայտնեցին որ, օրերս գերեվարված Դավիթ Գիշյանին ադրբեջանական ԶՈՒ-ն սպանել և երեկ մարմինը փոխանցել է Հայաստանին։
Դավիթը հայտնի տեսանյութի գերին է, որտեղ ադրբեջանցիներրը վիրակապում էին ուսից վիրավոր Գիշյանին։ Նրա վիրակապման կադրերը հայրը՝ սոցիոլոգ Բարսեղ Գիշյանն էր հրապարակել և գրել հետևյալը․ «Ես ուզեմ կամ չուզեմ իմ տղայի այս վիդեոն արդեն ինտերնետում տարածվում է։ Ուրեմն .
Ինձնից անկախ պրոցեսը կանխելու համար ավելի լավ է իմ տղայի այս վիդեոն ես տարածեմ, ուսից վիրավոր գերի է ընկել Սյունիքում։։ Խնդրում եմ սեփական շահերից բխող մեկնաբանություններ չանել»,- տեսանյութին կից գրել է Գիշյանը։
Հիշեցնենք, որ Ադրբեջանը երեկ Հայաստանին է հանձնել 32 հայ զինծառայողի մարմին, որոնց թվում էր նաև Գիշյանը։