Դաժան սպանություն Հայաստանում. Հայրը սպանել է որդուն

Դաժան սպանություն Հայաստանում. Հայրը սպանել է որդուն

Իրադարձային Ipress 2022-07-24 23:06:00 81684
Հետևեք մեզ՝ Telegram-ում
790c5535-dcff-4464-a357-6fd35ce5cbb6_O9M9s.jpeg

Այսօր՝ հուլիսի 24-ին, սպանություն է տեղի ունեցել Արմավիրի մարզում:   Ժամը 18:30-ի սահմաններում, ոստիկանության Վաղարշապատի բաժին ահազանգ է ստացվել, որ Գայ գյուղից մի քաղաքացու դանակահարված տեղափոխել են «Վաղարշապատ» բժշկական կենտրոն, ով ճանապարհին մահացել է:  

Ինչպես դեպքի վայրից հայտնում է ֆոտոլրագրող Գագիկ Շամշյանը, մինչ հիվանդանոցում ոստիկանության Արմավիրի մարզային վարչության պետի օպերգծով տեղակալ Վ. Մաթևոսյանը զննում էր քրեական մատյանը, մարզի ոստիկանապետը, Վաղարշապատի ոստիկանապետն ու օպերգծով տեղակալը տաք հետքերով պարզել են մահացածի ինքնությունը, ինչպես նաև պարզել են, թե Գայ գյուղի որ փողոցից են նրան տեղափոխել հիվանդանոց, ապա վերջիններս ժամանել են դեպքի վայր:  

Պարզվել է, որ մահացածը Գայ գյուղի բնակիչ, 30-ամյա Գաբրիել Մ.-ն էր:  

Այս պահին սպանվածի տանը զննություն են կատարում քննիչները՝ Վաղարշապատի քննչական վարչության պետի տեղակալ Գևորգ Գաբրիելյանի և հատկապես կարևոր գործերով ավագ քննիչ Վլադիմիր Ավետիսյանի գլխավորությամբ:  

Նշված փողոցում՝ տանը, հայտնաբերվել են արնանման հետքեր, իսկ ննջասենյակում՝ անկողնու վրա, նույնպես հայտնաբերվել են արնանման հետքեր և արյունոտ դանակ:  

Տեղում աշխատում են նաև ոստիկանության Արմավիրի մարզային վարչության փորձաքրեագետները:  

Ֆոտոլրագրողի տեղեկություններով, ոստիկաններն ու քննիչները պարզել են ենթադրյալ կասկածյալի ինքնությունը, ով եղել է ոստիկանություն ահազանգած քաղաքացին, որը ոստիկանությանը հայտնել էր, որ գյուղում տեղի է ունեցել դանակահարություն, սակայն չէր ասել, որ ինքն է հարվածել:  

Այնուհետև ոստիկանների և քննիչների բացատրական աշխատանքների արդյունքում կասկածյալը ինքնակամ ներկայացել է ոստիկանության Վաղարշապատի բաժին. նա սպանվածի հայրն է՝ Լևոն Մ.-ն:  

Փաստի առթիվ ՀԿԳ ավագ քննիչ Վ. Ավետիսյանի որոշմամբ՝ ՀՀ քր-օր-ի հատկանիշով, հարուցվել է քրեական վարույթ և Լևոն Մ.-ն ձերբակալվել է:  

Ոստիկանները հայտնաբերել են նաև Nissan March մակնիշի ավտոմեքենան, որով սպանվածը տեղափոխվել էր հիվանդանոց: Ավտոմեքենայի սրահում և դրսի հատվածներում նույնպես հայտնաբերվել են արնանման հետքեր:   Դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առջև խոսել, ասում էին. «Մահացածը ունեցել է հոգեկան խնդիրներ, մի քանի անգամ բուժման նպատակով եղել է հոգեբուժարանում, վերջերս է դուրս գրվել, իսկ հայրը գյուղում բնութագրվում է դրական, աշխատավոր մարդ: Երևի տղան հունից հանել է հորը, ով դիմել է այդ ծայրահեղ քայլին: Գիտենք, որ դանակի մի հարված է հասցրել: Հայրն էլ աստվածապաշտ մարդ է, հաճախակի կարող էիր տեսնել գյուղում՝ իր տան դիմաց կառուցված Սբ. Նշան եկեղեցիում: Հաստատ հորը հունից հանել է»:  

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Поделиться
Класс
Send
dasaran_UG-sd.jpg

Վրաստանում ուսումնական տարին սեպտեմբերի 1-ին չի մեկնարկի

rubli_cPPxi.jpg

Ռուբլին կտրուկ էժանացել է. ԿԲ նոր փոխարժեքները

zzinvoi-di_qx20V.jpg

Հայտնի է՝ ով է այսօր մահացած Արշալույս Հովհաննիսյանը․ Մանրամասներ

pasinyan_fouVC.jpg

«Անկեղծ ասած, ես շատ գոհ եմ». Փաշինյան

vraert_qQ991.jpg

Օրերս դաժան վրաերթից մահացած աղջկա ամուսնու հուզիչ գրառումը՝ կնոջ և 8 ամսական տղայի վերաբերյալ

verelak_7HfDC.jpg

Հրդեհ Երևանում՝ վերելակի հորանում, կան տուժածներ. բնակիչները տարհանվում են

zoh-zinvor_PJ-J-.jpg

Թշնամու կրակոցից զինվոր է վիրավորվել․ Հայտնի է ինքնությունը

1a72d91e-59be-47c2-9833-8e407aefc837_cfrMp.jpeg

Ողբերգական դեպք. Ավտոբուսի վթարի հետևանքով 12 մարդ է զոհվել

a28d7a13-59be-42b3-9677-209c810a9b4e_6qo-a.jpeg

Թշնամին կրկին խախտել է հրադադարի ռեժիմը՝ գնդակոծելով մեր դիրքերը. ՊԲ-ն մանրամասնում է

08c1a966-3c89-4900-a169-905c10096474__aqsr.jpeg

Տեղեկացեք. 35 ժամ գազ չի լինելու

5059094e-c2cb-485a-ad0e-36304b38811e_xpzYY.jpeg

Ինքնաթիռ է կործանվել․ կան զոհեր

paytyun_18vmo.jpg

Պայթյուն և փլուզում․ բժիշկները պայքարում են 22-ամյա 2 տղաների կյանքի համար