Մարտերը շփման գծի երկայնքով տարբեր ինտենսիվությամբ շարունակվում են, հայտնում են Արցախի ՊՆ-ից։
Ադրբեջանի ԶՈՒ ստորաբաժանումները, տարբեր զինատեսակներից կրակի ուղեկցմամբ, շարունակում են դիրքային առաջխաղացման գործողությունները՝ թիրախավորելով նաև քաղաքացիական ենթակառուցվածքներ:
Պաշտպանության բանակի ստորաբաժանումները պաշտպանողական բնույթի գործողություններով համառ դիմադրություն են ցույց տալիս Ադրբեջանի ԶՈՒ ստորաբաժանումներին` պատճառելով կորուստներ:
Մարտակերտ քաղաքը տարհանվում է։ Այդ մասին հայտնում է Արցախի լրագորող Մարատ Եգանյանը։
Լրագրող Թաթուլ Հակոբյանն էլ տեղեկացնում է, որ Ադրբեջանն առաջ է եկել Մարտունու և Ասկերանի ուղղությամբ, ՊԲ-ն արյունալի, անհավասար մարտեր է տալիս:
English
Русский
