Բռնցքամարտիկ Սիմոն Սիմոնյանը հաղթել է ադրբեջանցի մրցակցին և դարձել Եվրոպայի չեմպիոն

Բռնցքամարտի Մ16 Եվրոպայի առաջնությունում Սիմոն Սիմոնյանը բացարձակ հաղթանակ է տարել ադրբեջանցի մրցակցի նկատմամբ ու դարձել ոսկե մեդալակիր։

Նա եզրափակիչում հաղթել է 5։0 հաշվով։ Սիմոնյանի հակառակորդը ռինգում ադրբեջանցի Նիհատ Գասիմովն էր։

Նշենք, որ մենամարտի վերջին պահին արված տեսանյութում երևում է, թե ինչպես է հաղթանակից հետո ձեռքսեղմումի ժամանակ Գասիմովը թեթևակի հրում Սիմոնյանին ու չի ցանկանում շնորհավորել հաղթանակի կապակցությամբ։