Բելլա Հադիդը ներքնազգեստով կեցվածք է ընդունել Victoria's Secret-ի գովազդի համար

25-ամյա մոդել Բելլա Հադիդը դարձել է Victoria's Secret-ի նոր գովազդային արշավի հերոսուհին։ Համապատասխան նկարները հայտնվել են ապրանքանիշի պաշտոնական էջերում։

Բելլա Հադիդը նկարահանվել է Victoria's Secret ապրանքանիշի Very Sexy Collection ներքնազգեստի նոր հավաքածուի գովազդում։ Նկարներից մեկում մոդելը կեցվածք է ընդունել ժանյակավոր կապույտ կոմպլեկտով՝ պառկած մահճակալի վրա, որը ծածկված է ընձառյուծի պրինտով անկողնային պարագաներով։ 

Ամառային առաջին երկու ամիսները Բելլա Հադիդի համար աշխատանքային առումով զբաղված էին։ Մոդելը նկարահանվել է Mugler ֆիլմում, մասնակցել Marc Jacobs-ի և Balenciaga-ի նոր հավաքածուների ցուցադրություններին, հայտնվել է Vogue ամսագրի իսպանական տարբերակի շապիկին և դարձել Balenciaga-ի, Michael Kors-ի և Victoria's Secret-ի գովազդային արշավների հերոսուհին։ Աստղը նաև հայտարարել է իր «CY-B3LLA» NFT հավաքածուի մասին, որը կներառի 11,111 նշան, որոնք նման են իր 3D սկանավորված տարբերակներին: