Օգոստոսի 25-ին, բացառիկ հարսանեկան արարողություն է տեղի ունեցել Երևանում։
Նորապսակներ 23-ամյա Արմեն Մանուկյանի և 23-ամյա Միլենա Գաբրիելյանի հարազատները, ընկերներն ու բարեկամները Հանրապետության հրապարակ էին ժամանել խորհրդային արտադրության ավտոմեքենաներով, այդ թվում՝ «Վոլգա», «Գազ 2410», «Գազ 21», «Գազ 2110», «Վազ 2101» և այլ մակնիշի ավտոմեքենաներով։
Նշված ավտոմեքենաներով, երբ խորհրդային տարիներին ընտանիքները հարսանիք էին անում, ողջ քաղաքն այդ մասին էր խոսում ու ասում էին, թե հաստատ «ցեխավիկների» ընտանիք են, իսկ երեկվա հարսանեկան արարողության գլխավոր հերոսները Երևանում ապրող հայկական ավանդույթներով ու նիստուկացով առաջնորդվող ընտանիքներ են, ովքեր նաև հարգանք են վայելում իրենց ճանաչողների շրջանակում։
English
Русский
