Բացառիկ լուսանկարներ՝ Երևանի կենտրոնում տեղի ունեցած խոշոր և շղթայական ավտովթարից

Այսօր՝ փետրվարի 29-ին, խոշոր ու շղթայական ավտովթար է տեղի ունեցել Երևանում:

Ժամը 00:30-ի սահմաններում Թումանյան փողոցի թիվ 25 շենքի հարևանությամբ դեռևս անհայտ հանգամանքներում բախվել են Արտակ Ավետիսյանի վարած Infinity-ն, Տիգրան Վարագյանի վարած Nissan-ը, Սենիկ Գասպարյանի վարած Hyundai-ը, ինչից հետո, դեռևս չպարզված ավտոմեքենաներից մեկը բախվել է Գևորգ Հակոբյանին պատկանող կայանված Kia-ին, և Վիգեն Մինասյանին պատկանող Nissan և Dodge մակնիշի ավտոմեքենաներին:

Ինչպես հայտնում է ֆոտոլրագրող Գագիկ Շամշյանը, վթարի հետևանքով Nissan-ի ուղևոր Արթուր Մկրտչյանը տեղափոխվել է Հերացու անվան թիվ 1 համալսարանական հիվանդանոց:

Հրշեջ-փրկարարները Nissan -ի վարորդին դուրս են բերել ավտոմեքենայից և մոտեցրել շտապօգնության ավտոմեքենային, ով նույնպես տեղափոխվել է Հերացու անվան թիվ 1 համալսարանական հիվանդանոց:  

Հրշեջ-փրկարարները այնուհետև հոսանքազրկել են ավտոմեքենաները և փակել գազաբալոնների փականները: