English
Русский
Բանկերը բոլոր հաճախորդներին կցուցաբերեն անհատական մոտեցում, որպեսզի վերջիններս չկանգնեն վարկերի մարման խնդրի առաջ։ Facebook սոցցանցի պաշտոնական էջում ուղիղ եթերի ժամանակ նման հայտարարություն արեց ՀՀ վարչապետ Նիկոլ Փաշինյանը։
«Երկուշաբթի օրը ԿԲ–ն նամակով դիմել է բանկերին, որպեսզի վերջիններս վերանայեն կորոնավիրուսի հետևնքով խնդիրներ ունեցող հաճախորդների վարկերի պայմանները։ Խոսքը վերաբերում է զբոսաշրջության և ծառայություններ մատուցողների ոլորտին, ինչպես, օրինակ` հյուրատնային, ռեստորանային ոլորտում գործող հաճախորդներին»,–ասաց վարչապետը։
Նրա խոսքով` բանկերն իրենց հաճախորդների հետ կաշխատեն անհատական մոտեցմամբ, նրանք կերկարացնեն վարկերի ժամկետը, կվերանայեն տոկոսադրույքները։
Նշված փոփոխություների արդյունքում, ըստ Փաշինյանի, չի վատանա հաճախորդների վարկային պատմությունը, նրանք խնդիրների լուծման համար ժամանակ կունենան։
