Արտակարգ դեպք Երևանում. Լուսանկարներ

Այսօր՝ հուլիսի 25-ին, արտակարգ դեպք է տեղի ունեցել Երևանում։ Ժամը 09։00-ի սահմաններում ՀՀ ոստիկանության Պարեկային ծառայության Երևանի գնդի 1-ին գումարտակի 3-րդ վաշտի հրամանատարի տեղակալ Ալեքսան Գասպարյանը, նույնն վաշտի պարեկներ Էդգար Առաքելյանը, Սոս Սերոբյանն ու Ազատ Հակոբյանը գիշերային ծառայությունից տուն վերադառնալիս, Արաբկիր վարչական շրջանում Ավետ Ավետիսյան փողոցում կնոջ ձայներ են լսում։

Պարեկները ձայնի ուղղությամբ գնալով, նշված փողոցում գետնին ընկած անօգնական վիճակում հայտնաբերում են մի կնոջ։ Վերջինս պարեկներին ասում է, որ արդեն 30 րոպե է ընկել է, ոտքը կորտրվել է, ու չի կարողանում տեղաշարժվել։ 3 ապրեկները ցուցաբերում են առաջին բուժօգնություն, անշարժացնում են կնոջ ոտքը։

Իսկ վաշտի հրամանատարի տեղակալն էլ զանգահարում  է շտապօգնություն։ Օպերատիվորեն ժամանում է բժիշկների հերթապահ խումբը, ովքեր էլ հավատարիմ Հիպոկատին տված երդմանը, տեղում առաջին բուժօգնություն են ցուցաբերում կնոջը և նրան տեղափոխում են «Իզմիրլյան» բժշկական կենտրոն։

Գ․ Շամշյանի տեղեկություններով՝ հիվանդանոց տեղափոխվածը Երևանի բնակիչ 64-ամյա Մելանյա Մ․-ն է։