Առաջնագծում էի․ Նաիրի Հոխիկյանը մանրամասներ է հայտնում սահմանից

Նաիրի Հոխիկյանը գրում է․ Այսօր առաջնագծի մի քանի հատվածներում էի։ Չեմ պատմի մանրամասներ, բայց պետք է փաստեմ, որ հայ շարքային զինվորը, պայմանագրային ծառայողն ու միջին սպայական կազմը դիրքերը պահում են առավելագույն նվիրվածությամբ ու անձնազոհությամբ։

Այն, ինչի միջով անցնում են մեր զինվորները, իրական հերոսություն է, բայց այն, ինչ անում է երկրի կառավարությունը, առնվազն անբարոյականություն է զորքի նկատմամբ։

Ափսոս, չեմ կարող բազմաթիվ իրողությունների մասին խոսել, բայց փաստ է, սրանք այնպես են անում, որ զորքը կռվելու հնարավորություն չունենա, տարածքներ տա, հետո էլի զորքին մեղադրեն դավաճանության համար։