Աննան պահանջում է գծատերերից ազատվելու գինը

Հավանություն տալով տրանսպորտի գների թանկացման փաստն արդարացնելու Նիկոլի ճամարտակություններին՝ Հակոբյան Աննան վստահեցրել է, որ Նիկոլի գաղափարներն ու բացատրություններն այնքան բացառիկ են, որ ինքը երբեք ուրիշներից չի լսել այդպիսի բացատրություններ:

Աննային, պարզվում է, հատկապես դուր է եկել Նիկոլի այն միտքը, որ տրանսպորտի համար պետք է շատ վճարել, քանի որ այդ գումարը ոչ միայն երթևեկելու, այլև ենթակառուցվածքը սպասարկելու համար է: «Ես առաջին անգամ եմ լսում…»,-մասնավորապես՝ վստահեցրել է Աննան՝ միաժամանակ ասելով, թե ինչու է առաջին անգամ լսում. նախկինում գիտեր, որ գծերն ունեն իրենց տերերը, որոնք զբաղվում են այդ ամեն ինչով:

Հասկանալի է, թե ինչ է ցանկացել ակնարկել Հակոբյան Աննան: Նա փորձել է հանրությանը հիշեցնել նախկինների ու նախկին կարգերի մասին՝ փաստացի ակնարկելով, որ «ժողովրդավարությունը» ունի իր գինը, որը պետք է վճարել նույնիսկ երթևեկելիս: Ի՞նչ ժողովրդավարութան մասին է խոսքը: Սա այն ժողովրդավարությունն է, երբ գծատերերին փոխարինելու է եկել Ավինյան Տիկոյի հերը…

Ստացվում է՝ գծատերերից ազատվելու ու նրանց Տիկոյով փոխարինելու գինն ենք վճարելու, ու բնավ էական չեն գնագոյացման նրբությունները: Եթե սա պետք է լիներ գծատերերից ազատվելու գինը, ապա ավելի լավ կլիներ, եթե հին համակարգը վերադարձվեր. դա բոլոր դեպքերում ավելի լավ կլիներ, քան Տիկոյին անիմաստ մուծվելը:

Նյութի աղբյուր՝ https://t.me/armeniainfo11/3665