English
Русский
Անմահացած հերոսները սերունդների համար հավետ կմնան օրինակ։ Նրանց մասին մշտապես պետք է պատմել, մեծարել և իրենց սխրանքը սերնդեսերունդ տարածել՝ դարձնելով նրանց անմահ։ Նրանք մեր ու մեր հայրենիքի կողքին են այս անգամ արդեն երկնքից։
Հերոս տղաների կողքին էր նաև այս երիտասարդ կինը` Հասմիկ Արզումանյանը, ով հայրենիքի պաշտպանության համար պատրաստ էր ամեն ինչի։ Հասմիկն ընկել էր սեպտեմբերի քսանյոթին։
Ծառայակից ընկերները նրա մասին մեղմ ու բարի ժպիտով են հիշում, իսկ հարազատները խոր ափսոսանքով ու կարոտով են խոսում հերոս կնոջ մասին։
Հասմիկը դեռ սեպտեմբերի քսանին մի գրառում էր կատարել, որը բանաստեղծություն էր կարճ ու իմաստը կորցրած կյանքի մասին։ Շնորհավորում ենք հերոս կնոջ երկնային ծնունդը։ Հիշատակդ հավերժ․․․
