Նաիրա Զոհրաբյանն իր ֆեյսբուքյան էջում գրում է.
«Պաշտոնական Բաքուն հայտնում է, որ այսօր հայկական կողմին կվերադարձվեն հինգ ռազմագերիներ։
Հայկական կողմից ձայն չկա»:
Նշենք, որ ադրբեջանական կողմը այս քայլը համարում է Փաշինյան-Միշել-Ալիեւ Բրյուսելյան վերջին հանդիպման արդյունքներից մեկը։
Ադրբեջանի Գերագույն դատարանը մեղմացրել է Ադրբեջանում պահվող հայ ռազմագերիներից չորսի պատժաչափը։ Նրանք ազատ են արձակվել եւ կվերադարձվեն հայկական կողմին։ Նշված զինվորականները գերեվարվել էին 2020 թվականի դեկտեմբերի 13-ին։
Գերագույն դատարանը փոխել է Բաքվի վերաքննիչ դատարանի որոշումը, կապված նշյալ զինվորականների պատժաչափերի հետ, նրանց դատապարտելով 1 տարի, ութ ամիս եւ քսանհինգ օրվա բանտարկության։ Հաշվի առնելով, որ այդ ժամկետը լրացել է, նրանց պատիժը համարել է կրված եւ նրանք ազատ են արձակվել ու կփոխանցվեն հայկական կողմին։