Մգեցված ապակիների համար նշանակված 25․000 դրամ տուգանքի որոշումը բեկանվել է․ փաստաբան:
Փաստաբան Վահե Գրիգորյանն իր ֆեյսբուքյան էջում գրել է.
«Առաջին հաղթանակն ընդդեմ մեքենաների ապակիների թաղանթապատման (առավել հայտնի որպես плёнка) հիմքով կազմված տուգանքների
11.06.2023թ ՀՀ պարեկային ծառայության կողմից Արամ Մանուկյանի (Aram Manukyan) նկատմամբ կազմվել էր 25000 ՀՀ դրամ չափով տուգանք նշանակելու մասին 8300637489 որոշումը, քանի որ վերջինիս մեքենան վարել էր «լուսաթափանցելիության սահմանված չափի խախտմամբ ապակիներով».:
Իմ կողմից կազմվել էր գանգատ այդ որոշման դեմ, որը 12.06.2023թ ուղարկվել էր պարեկային ծառայությանը:
Ահա այսօր ստացա պարեկային ծառայության 12.07.2023թ որոշումը, որով Մեր պահանջը բավարարվել է, տուգանք նշանակելու մասին որոշումը`բեկանվել, գործը` կարճվել, պարզ ասած` տուգանք նշանակելու մասին որոշումը վերացվել է»:
English
Русский
