Վերալիցքավորման նպատակով վայրէջք կատարած ինքնաթիռից 150 տոննա հումանիտար բեռ է «կորել»

Վերալիցքավորման նպատակով վայրէջք կատարած ինքնաթիռից 150 տոննա հումանիտար բեռ է «կորել»

Միջազգային Ipress 2020-04-17 23:56:00 8439
Հետևեք մեզ՝ Telegram-ում
dsvmb5lvfsmi7unjh45fgzkr420nb0m7stgc46rpthumb_rd7Jx.jpg

Օրերս Վարշավա մեկնած ԱՆ-225 «Մրիա» ինքնաթիռից 150 տոննա քաշով հումանիտար բեռ է անհետացել: Այս մասին տեղեկացնում է today.kz կայքը:

Հաղորդվել էր, որ ինքնաթիռը Չինաստանից Լեհաստան է տեղափոխելու մի քանի տոննա բժշկական միջոցներ` կորոնավիրուսի դեմ պայքարի համար, սակայն արդյունքում Լեհաստան է հասել 96 տոննա օգնություն: ԶԼՄ-ներն ընդգծել են, որ մինչ Լեհաստան հասնելը ինքնաթիռը միջանկյալ վայրէջք է կատարել Ալմաթիում` վերալիցքավորման համար: Իրավիճակը որոշել են մեկնաբանել Ղազախստանում:

Ալմաթիի միջազգային օդանավակայանից հաստատել են, որ ինքնաթիռը իրոք վայրէջք է կատարել իրենց մոտ, բայց միայն լիցքավորման նպատակով, Ուկրաինայից Չինաստան և Չինաստանից Լեհաստան ճանապարհների ընթացքում: Եվ երկու անգամ էլ լիցքավորման համար բացվել է ինքնաթիռի միայն քթի մասը:

«Տարանցիկ կայանման ընթացքում չարտոնված բեռնաթափումը տեսականորեն անհնար է. ինքնաթիռի քթի մասը բացելու պահին բացի օդանավակայանի տեխնիկական ծառայության աշխատակիցներից այնտեղ գտնվել են նաև անձնակազմի անդամները, գլխավոր օդաչուն, որն անձնական պատասխանատվություն է կրում բեռի պահպանման համար, ինչպես նաև Ղազախստանի Հանրապետության սահմանապահ և մաքսային ծառայությունների ներկայացուցիչները: Բացի այդ, բոլոր կայանները գտնվում են շուրջօրյա տեսահսկողության տակ, բոլոր տեսագրությունները պահպանվում են մեկ ամսվա ընթացքում»,-ասել են օդանավակայանի ներկայացուցիչները:

Բացի այդ, ըստ ղազախական աղբյուրի, լեհական ԶԼՄ-ներում բեռի քաշի մասին տվյալները սկզբից էլ խեղաթյուրված ձևով են ներկայացված եղել:

«Լեհաստանի պետական ակտիվների նախարարությանը հղումով՝ ինքնաթիռը պետք է Լեհաստան տաներ 400 տոննա բեռ, այնինչ ԱՆ-225-ի տարողունակությունը 250 տոննա է: Հրապարակման հեղինակը հաշվի չի առել նաև, որ Լեհաստան են տարվում հիմնականում անձնական պաշտպանության բժշկական միջոցներ` դիմակներ, պաշտպանիչ հագուստ և այլն, այսինքն՝ իրեր, որոնք ծավալով մեծ են, բայց թեթև քաշ ունեն: Հաշվի առնելով այս փաստերը՝ կարծում ենք, որ այս տեղեկատվությունը կեղծ է և չի համապատասխանում իրականությանը»,-եզրափակել են իրենց խոսքն օդանավակայանի աշխատակիցները:

Նոր տեսակի կորոնավիրուսով վարակվածների թիվն ամբողջ աշխարհում 2 183 581 է, մահացել է 146 856 մարդ: Առողջապահության համաշխարհային կազմակերպությունը կորոնավիրուսի համավարակ է հայտարարել մարտի 11-ին: Վիրուսը տարածվել է 210 երկրում: Համաճարակի բռնկման մասին Չինաստանի իշխանություններն ԱՀԿ-ին հայտնել են դեկտեմբերի 31-ին:

Поделиться
Класс
Send
Իրադարձային 185382

ԲԱՑԱՌԻԿ. Հրապարակվել է Արմինե Ճաղարյանի մահվան ողբերգական դեպքից տեսանյութ

Life 168726

Ներկա գտնվելով Արմինեի հոգեհանգստին հասկացա... Video

Իրադարձային 151503

Հրապարակվել է Վարդան Ուռումյանի մասնակցությամբ ողբերգական վթարի տեսանյութը. Կա 3 զոհ

Իրադարձային 151245

Վրաերթի ենթարկված հղի կնոջ վերջին հրաժեշտը Video

Իրադարձային 122334

Լուսանկարներ՝ Արմինե Ճաղարյանի ողբերգական մահվան դեպքից

Իրադարձային 110976

«Գետի մեջտեղում քար կար, նավարկության ընթացքում այդ քարին կպանք, նավակը թեքվեց». ռեժիսորը պատմել է, թե ինչպես է տեղի ունեցել դեպքը

Իրադարձային 93204

Տեղի է ունեցել Արմինե Ճաղարյանի հոգեհանգստի արարողությունը (Video)

Իրադարձային 85839

Հայտնի է ողբերգական վթարից մահացածների ինքնությունը. ՖՈՏՈ

Life 81639

Արմինեի ամուսինը գլուխը բռնած ու իրեն կորցրած արտասվում էր կնոջ հոգեհանգստին. անչափ հուզիչ տեսանյութ

Հասարակական 64494

Հրապարակվել է, իբր գերու ծնող ներկայացող «Ախուրյանցի Անոյի» լուսանկարները. Տեսանյութ