«Ինչի՞ ես քշում վրես…». Վիճաբանություն և դաժան ծեծ՝ Աբովյանում ճանապարհ չզիջելու և հայհոյելու պատճառով

«Ինչի՞ ես քշում վրես…». Վիճաբանություն և դաժան ծեծ՝ Աբովյանում ճանապարհ չզիջելու և հայհոյելու պատճառով

Իրադարձային Ipress 2020-05-04 13:18:00 11607
Հետևեք մեզ՝ Telegram-ում
ceckrtuq-abovyanum_Q9g0j.jpg

1in.am

Վերաքննիչ քրեական դատարանի վարույթում է Իգիթ Հ.-ի գործի դատական քննությունը:

Գործը քննվել է Կոտայքի մարզի ընդհանուր իրավասության դատարանում Գեղամ Մարգարյանի նախագահությամբ:

32-ամյա Իգիթին մեղադրանք էր առաջադրվել խուլիգանական դրդումներով միջին ծանրության վնասվածք հասցնելու, ինչպես նաև՝ թեթև մարմնական վնասվածք պատճառելու համար՝ ՀՀ քրեական օրենսգրքի 113 հոդվածի 2-րդ մասի 6-րդ կետով և 117 հոդվածով:

Ըստ մեղադրանքի՝  2019 թվականի օգոստոսի  2-ին, ժամը 17-ի սահմաններում Իգիթ Հ.-ն վարել է կնոջ անունով հաշվառված «ՎԱԶ-2121» մակնիշի մեքենան ու երթևեկել է Աբովյան քաղաքի Երևանյան փողոցին զուգահեռ երկրորդական ավտոճանապարհով: Նա հասել է Հանրապետության փողոց ու, ըստ մեղադրանքի՝ «խախտելով ճանապարհային երթևեկության ու մարդկային համակեցության կանոնները, չի զիջել Հանրապետության փողոցով երթևեկող Արթուր Մ.-ի վարած «Օպել Աստրա» մեքենային, իր մեքենան վարել է «Օպելի» վրա, որի վարորդը հնարավոր պատահարը կանխելու համար ազդանշան է տվել, ապա դիտողություն է արել Իգիթին՝ մեքենան վտանգավոր եղանակով վարելու համար»:

Ըստ մեղադրանքի՝ չհանդուրժելով իրեն արված դիտողությունը, Իգիթ Հ.-ն խուլիգանական դրդումներով մեքենան վարելով անցել  է Արթուր Մ.-ի վրած մեքենային, փակել է այդ մեքենայի ճանապարհն ու հայհոյել է վարորդին: Այդ պահին Արթուր Մ.-ի մեքենայում գտնվող Վալերի Մ.-ն՝ Արթուրի որդին, դուրս է եկել մեքենայից ու մեկ անգամ բռունցքով հարվածել է Իգիթին: Վերջինս գնացել է դեպի իր մեքենան, դրա միջից հանել է մետաղական իրանով ու փայտե բռնակով հարմարեցված մահակը, վերադարձել է Արթուրի ու Վալերիի մոտ ու մահակով հարվածել է նրանց: Արթուր Մ.-ի առողջությանը  պատճառել է միջին ծանրության վնաս՝ ձախ ձեռքի մատների ոսկրերի տեղաշարժով կոտրվածքների ու ձախ բազկի արյունազեղման ձևով, իսկ Վալերի Մ.-ի առողջությանը պատճառել է թեթև վնաս՝ ձախ քունքածոծրակային շրջանի քերծված տեղամասի ու սալջարդ վերքի, ձախ բազկի արյունազեղումների ձևով, ու դիմել է փախուստի:

Իգիթ Հ.-ն առաջադրված մեղադրանքում իրեն մեղավոր չի ճանաչել, հրաժարվել է ցուցմունք տալուց և հարցերին պատասխանելուց:

Նախաքննական ցուցմունքում Իգիթ Հ.-ն նշել է, որ դեպքի օրն ինքը մեքենայով ընթանում էր Երևանից Աբովյան: Քանի որ Աբովյանի Երևանյան փողոցը ծանրաբեռնված էր, իսկ ինքը շտապում էր, որոշել է այդ հատվածը շրջանցել զուգահեռ փողոցով: Հասել է Հանրապետության փողոց, որտեղ կանգառում կանգնած էր երթուղային ավտոբուս, դրա հետևում՝ մի «Օպել»: Ինքը ցանկացել է շրջանցել, սեղմել է գազի ոտնակը ու փորձել է անցնել  «Օպելին», բայց լսել է, որ դրա վարորդը հայհոյել է իրեն ու քթի տակ մրթմրթալով՝ շարունակել է ընթացքը: Ինքը ցանկացել է իմանալ՝ ինչ է խոսում այդ մարդը ու ցանկացել է  նաև պատասխան ստանալ հայհոյանքի համար, ընթացել է այդ մեքենայի հետևից, անցել է նրան ու կանգնել: Դուրս է եկել մեքենայից, մոտեցել է «Օպելի» վարորդին, տեսել է, որ նա տարիքով իրենից մեծ է, նկատողություն է արել իրեն հայհոյելու համար ու ի պատասխան՝ ինքն էլ նրան է հայհոյել: Այդ պահին «Օպելի» վարորդի կողքի նստատեղին նստած երիտասարդն ասել է, թե կիջնի ու կհարվածի՝ հայհոյանքի համար, ինքը նորից է հայհոյել, այդ տղան դուրս է եկել մեքենայից, հարվածել է իրեն՝ գլխի շրջանում: Իր ու այդ տղայի միջև քաշքշուկ է սկսվել: «Օպելի» վարորդն էլ է դուրս եկել մեքենայից, սկսել է քաշքշել իրեն: Վախենալով, որ այդ երկուսը իրեն ծեծի կենթարկեն, ինքը գնացել է դեպի իր մեքենան, այնտեղից վերցրել է մի պլաստամասսայից խողովակ, կանգնել է իր հետ վիճողների դիմաց ու պահանջել է, որ հեռանան: Բայց երիտասարդը ձեռքը գցել է խողովակից, փորձել է վերցնել: Ինքն ուժով հետ է քաշել խողովակն ու մեկ անգամ հարվածել է իր դիմաց կիսադեմով կանգնած երիտասարդին: Հարվածից հետո երիտասարդը մի կողմ է գնացել ու խոսել է ինչ-որ անձանց զանգելու, դեպքի վայր կանչելու մասին: Հետագա բարդություններից խուսափելու համար ինքը նստել է իր վարած մեքենան ու հեռացել է: Իգիթը պնդել է, թե ինքը «Օպելի» վարորդին չի հարվածել:

Վերջին խոսքում ամբաստանյալը հայտարարել է, որ այս պետության մեջ «եթե քեզի խփեն, դու բան պիտի չկարողանաս անել»:

Տուժող Արթուր Մ.-ն հայտնել է, որ դեպքի պահին իր մեքենայում էին իր որդին և մեկ ուղևոր: Վերջինս մեքենան կանգնելուց հետո իջել ու հեռացել է: Ամեն բան սկսվել է նրանից, որ ամբաստանյալը մեքենան վարել է իր մեքենայի ուղղությամբ: Ինքը ձայնային ազդանշան է տվել ու ասել է. «Ինչի՞ ես իմ վրա քշում»: Մեքենայի պատուհանը բաց էր: Ամբաստանյալը մեքենայով կտրուկ արգելափակել է իր մեքենայի ճանապարհը, կանգնել, իջել է մեքենայից, հայհոյել, փորձել է հարվածել իրեն: Երբ նա իրեն հայհոյել է, իր որդին իջել է մեքենայից, քաշել է ամբաստանյալի ձեռքից ու մի անգամ բռունցքով հարվածել է նրան: Իր որդու և ամբաստանյալի միջև քաշքշոց է սկսվել: Հետո աբաստանյալը մոտեցել է իր մեքենային, մետաղե ձող է հանել, մի քանի անգամ հարվածել է իր տղայի գլխին, իր տղան ամբողջությամբ արյուն էր: Ինքն իջել է մեքենայից, փորձել է միջամտել, բայց ամբաստանյալը մետաղե մահակով հարվածել է իր ձեռքերին մի քանի անգամ: Հետո նա նստել է մեքենա ու հեռացել է: Շտապօգնություն են կանչել, իրեն ու որդուն տեղափոխել են հիվանդանոց:

Ըստ տուժողի՝ դեպքը տևել է մոտ քսան րոպե: Հավաքվածներից ոչ ոք չի օգնել, միայն մի ծաղկավաճառ կին է հետո մոտեցել ու ներողություն է խնդրել, որ չի կարողացել օգնել: Իրենց մեքենաները ճանապարհի մեջտեղում էին կանգնած, երթևեկող մեքենաները մի կերպ էին շրջանցում, բայց ոչ ոք չէր միջամտում:

Դատարանը հաշվի է առել, որ պատիժ նշանակելու պահին Իգիթ Հ.-ի խնամքին են երկու անչափահաս երեխաները՝ 9 և 3  տարեկան:

Դատարանը որպես Իգիթ Հ.-ի պատասխանատվությունն ու պատիժը մեղմացնող հանգամանք է դիտել «Սուրբ Գրիգոր Լուսավորիչ» բժշկական կենտրոնից տրված տեղեկանքը, համաձայն որի՝ Իգիթ Հ.-ի մոտ առկա է ծանր գանգուղեղային վնասվածք, ծոծրակոսկրի գծային կոտրվածք՝ անցումով գանգի հիմ: Գլխուղեղի միջին աստիճանի սալջարդ, գլխի ծոծրակային շրջանի փափուկ հյուսվածքների սալջարդ:

Իգիթ Հ.-ն մեղավոր է ճանաչվել մեղսագրված արարքների համար՝ ՀՀ քրեական օրենսգրքի 113 հոդվածի 2 –րդ մասի 6-րդ կետով և 117 հոդվածով: Նրա նկատմամբ վերջնական պատիժ է սահմանվել ազատազրկում  3 ամիս ժամկետով և տուգանք՝  50 հազար դրամի չափով:

Իգիթ Հ.-ի խափանման միջոցը՝ ստորագրություն չհեռանալու մասին, թողնվել է անփոփոխ՝ մինչև դատավճիռն օրինական ուժի մեջ մտնելը:

Այս դատավճռի դեմ վերաքննիչ բողոք է բերել  ամբաստանյալի շահերի պաշտպանը՝ պահանջելով բեկանել դատավճիռը, կայացնել նոր դատական ակտ՝ Իգիթ Հ.-ի նկատմամբ դադարեցնել քրեական հետապնդումը՝ ՀՀ քրեական օրենսգրքի 113 հոդվածի 2-րդ մասի 6-րդ կետով ճանաչելով նրա անմեղությունը, կամ՝ Իգիթ Հ.-ի նկատմամբ կիրառել պայմանական դատապարտություն՝  սահմանելով փորձաշրջան:

Поделиться
Класс
Send
ramza-kadirov_Jys3X.jpg

Ուկրաինայում սպանվել է «քադիրովական» հատուկ նշանակության ջոկատի հրամանատարը ՖՈՏՈ

ararat-mirzoyan-1_9Gnn4.jpg

Ինչու են ներքին զորքերի ծառայողները ծեծել Արարատ Միրզոյանի թիկնապահներին

tsarukyan-super-sako_i1ltn.jpg

Ծառուկյանն ու Սուպեր Սաքոն մենամարտել են Video

aram-manukyan-3_3n3Os.jpg

Արամ Մանուկյանը՝ վթարի զոհ դարձած կնոջ մասին

aram-manukyan-2_wNu0v.jpg

Արամ Մանուկյանի հրապարակումը կնոջ մահից հետո Video

kasksuk_pX7iv.jpg

«Դուք միլիցա՞ եք, թե՞ գողական». քաշքշուկ դատական կարգադրիչների եւ զոհվածների հարազատների միջեւ (Video)

ararat-mirzoyan_GCkgy.jpg

ԱԳՆ-ն պարզաբանում է տարածել Video

lacini-mijanck__Nh4w.jpg

Լաչինի միջանցքին «ալտերնատիվ» համարվող ճանապարհը ծուղակ է Արցախի հայերի համար. Միքայել Նահապետյան Video

ahabekich-amn_6-SpY.jpg

Համադասարանցիները ծաղրում էին աղքատ լինելու համար. ո՞վ է 21 մարդու սպանած տեխասցի հրաձիգը Video

kortni-kardasyan-trevis-barker_AGfXq.jpg

Պապարացիները լուսանկարել են Միջերկրական ծովում մեղրամիսը վայելող Քորթնի Քարդաշյանին ու Թրևիս Բարքերին Video

artik-asti_Q2FE9.jpg

Artik & Asti դուետի նախկին մենակատարը տաս օրում նիհարել է վեց կիլոգրամով

aram-manukyan-1_7MOYI.jpg

Ժայռից գլորվել է. Բացառիկ մանրամասներ՝ դերասան Արամ Մանուկյանի կնոջ մահվան ելքով ավտովթարից ( տեսանյութ)

Իրադարձային 185472

ԲԱՑԱՌԻԿ. Հրապարակվել է Արմինե Ճաղարյանի մահվան ողբերգական դեպքից տեսանյութ

Life 168858

Ներկա գտնվելով Արմինեի հոգեհանգստին հասկացա... Video

Իրադարձային 153549

Հրապարակվել է Վարդան Ուռումյանի մասնակցությամբ ողբերգական վթարի տեսանյութը. Կա 3 զոհ

Իրադարձային 151350

Վրաերթի ենթարկված հղի կնոջ վերջին հրաժեշտը Video

Իրադարձային 122424

Լուսանկարներ՝ Արմինե Ճաղարյանի ողբերգական մահվան դեպքից

Իրադարձային 111138

«Գետի մեջտեղում քար կար, նավարկության ընթացքում այդ քարին կպանք, նավակը թեքվեց». ռեժիսորը պատմել է, թե ինչպես է տեղի ունեցել դեպքը

Իրադարձային 93273

Տեղի է ունեցել Արմինե Ճաղարյանի հոգեհանգստի արարողությունը (Video)

Իրադարձային 92454

Հրապարակվել է այսօրվա դաժան և ողբերգական ավտովթարի տեսանյութը. մանրամասներ

Իրադարձային 86217

Հայտնի է ողբերգական վթարից մահացածների ինքնությունը. ՖՈՏՈ

Life 81720

Արմինեի ամուսինը գլուխը բռնած ու իրեն կորցրած արտասվում էր կնոջ հոգեհանգստին. անչափ հուզիչ տեսանյութ