Ինչպես ավելի վաղ հայտնել ենք, ՀՀ առողջապահության նախարարությունում կան կորոնավիրուսով վարակված աշխատակիցներ: Նախարար Արսեն Թորոսյանը երեկ՝ մայիսի 14-ին, մեկուսացվել էր որպես նրանց հետ շփում ունեցած անձ և կորոնավիրուսի թեստ էր հանձնել: Ավելի ուշ նախարարը հայտնել էր, որ թեստի պատասխանը բացասական է:
Այսօր՝ մայիսի 15–ին, Ազատություն Հ/Ը-ի հետ զրույցում Արսեն Թորոսյանն ասաց, որ առողջապահության նախարարությունում վարակակրի հայտնաբերումից հետո ինքն ինքնամեկուսացվել է նախարարությունում։
«Աշխատանքի վայրում եմ, պրակտիկորեն ոչ մեկի հետ չեմ շփվում, հեռախոսով եւ կապի այլ միջոցներով է շփումը։ Կմնամ մինչեւ մյուս ուրբաթ, դրանից հետո հուսով եմ՝ սիմպտոմներ չի զարգանա իմ մոտ եւ կանցնեմ նորմալ աշխատանքային ռեժիմի»,– ասաց նա։
Սակայն, «Հայկական առողջապահական ազգային խորհրդի» նախագահ, ուռոլոգ Գևորգ Գրիգորյանը ֆեյսբուքյան իր էջում տեսանյութ է հրապարակել, որում երևում է, թե ինչպես է առողջապահության նախարար Արսեն Թորոսյանը գնում աշխատանքի։
English
Русский
