Հրադադար է․ Ռմբակոծություններն ավարտվեցին

Գեղարքունիքի մարզի Սոթք գյուղի ուղղությամբ մոտ 30 րոպե է՝ կրակոցներ չկան։ Այս մասին 24News-ին ասել է գյուղապետ Սևակ Խաչատրյանը։

Ըստ նրա՝ դեռեւս հստակ չէ՝ պաշտոնապես հրադադար հաստատվե՞լ է, թե՞ ոչ։ Ավելի վաղ, գյուղապետի խոսքերով, ադրբեջանական կողմը կիրառում էր հրետանային զինատեսակներ։

Իշխանասար լեռան ուղղությամբ ադրբեջանական կողմն առաջխաղացում չի ունեցել, այս պահին էլ կրակոցներ չկան։ Այս մասին 24News-ին ասել է Սյունիքի մարզի Սիսիան համայնքի Իշխանասար բնակավայրի վարչական ղեկավար Մարատ Պետրոսյանը։

Պետրոսյանն ասել է, որ հակառակորդը 1 ժամից ավելի դադարեցրել է կրակը, իրավիճակը գյուղում հանգիստ է, քաղաքացիական օբյեկտներ չեն վնասվել։