Իմունիտետը ամրացնելու համար ինչ ուտել

Իրապես լավ առողջությունը սկսվում է ամուր իմունիտետից։ Լավ ու ամուր իմունիտետ ունենալու համար օգտվեք այս սննդակարգից, որն առաջարկում է շվեդական Expressen պարբերականը։

1․ Ճակնդեղ․ Ճակնդեղի բոլոր տեսակները եւ նրա տերեւները հարուստ են ցինկով, ինչը իմունիտետի համար իսկական հայտնագործություն է։ Բացի այդ, ճակնդեղում պարունակվում են նախաբիոտիկներ, որոնցով ղնվում են աղիներում գտնվող միկրոօրգանիզմ պրո-բիոտիկները։ Օգտագործելով ճակնդեղ սննդի մեջ, դուք հագեգնում եք օգտակար բակտերիաներով եւ այլ նյութերով ձեր օրգանիզմը, որոնք դրականորեն են ազդում ձեր ստամքսա-աղիքային տրակտի վրա եւ ամրացնում իմունիտետը։ Ճակնդեղն ավելացրեք հյութերի մեջ, վերջինիս տերեւները օգտագործեք աղցաններում եւ բուտերբրոդներում, այն տապակեք ջեռոցում, եփեք կամ կերեք այն հում վիճակում։

2․ Հապալաս․ Հապալասը հարուստ է այնպիսի սննդարար նյութերով, ինչպիսիք են ֆլավոնոիդները, որոնք ամրացնում են իմունիտետը; Կերեք հապալաս թարմ վիճակում կամ աղցանների հետ, պատրաստեք խորտիկներ սառեցրած կամ պահածոյացված համապասով։

3․ Ցիտրուսայիններ՝ գրեյփֆրուտներ, լիմոններ, լայմեր, նարինջներ եւ այլն։ Սրանք վիտամին «C»-ի կարեւոր աղբյուր են։ Պատրաստեք հյութեր եւ աղցաններ, որոնց մեջ առկա են այս ցիտրուսայինները, կամ կերեք պարզապես որպես միրգ ու հավելում։

4․ Կտավատի սերմեր եւ կտավատի յուղ․ Սրանք պարունակում են մի շարք կարեւոր ճարպաթթուներ, ինչպիսիք են Օմեգա -3-ը, որը ամրացնում է իմունիտետը։ Կտավատի հատիկները ամբողջական կերպով կամ էլ մի քիչ կտավատի յուղ ավելացրեք խառնուդների մեջ։ Կարող եք կտավատի յուղով ցողել ծովային աղով համեմված եփած բանջարեղենը։ Սակայն ուշադիր եղեք մի հարցում․ մասնագետները աղացած կտավատի սերմեր ուտել խորհուրդ չեն տալիս, քանի որ կա ռիսկ ցիանիդով թունավորվելու։ Ամբողջական սերմերը նույնպես պետք է չափավոր օգտագործել՝ օրական մեկից երկու ճաշի գդալ։

5․ Սխտոր․ հարուստ է ալիցինով, որն ունի հակաբակտերիալ հակավիրուսային եւ հակասնկային հատկություններ։ Մշակված սխտորը, սակայն այնքան օգտակար չէ, որքան թարմ սխտորը, թեեւ երկու դեպքում էլ օգտագործումից կշահի մարդու օրգանիզմը։ Այն կարելի է եւ պետք է ուտել ամեն օր։ Ավելացրեք այն շիլաների, ապուրների մեջ, կերեք հըմմուսը սխտորով։

6․ Կեֆիր․ Առողջության համար օգտակար է, քանի որ պարունակում է բազմաթիվ օգտակար բակտերիաներ, ինչպես նաեւ խմորիչ կուլտուրաներ։ Վերցրեք այն կեֆիրը, որը պարունակում է կենդանի բակտերիալ կուլտուրաներ։

7․ Կիմչի․ Կորեական այս սուր համով եւ քաղցր խորտիկն ունի բանջարեղենային հիմք։ Վերջինս պարունակում է սոխ, սխտոր, իմբիր, կարմիր պղպեղ։ Ունի իմունիտետն ամրացնող հատկություն։

8․ Դդմի սերմեր․ Պարունակում է մեծ քանակությամբ օգտակար ճարպեր, ինչպիսին Օմեգա 3-ն է։ Զուգորդված ցինկի բարձր պարունակության հետ, դդմի սերմերը դառնում են հիանալի սննդային հավելում։ Դդմի սերմերով համեմեք աղցանները, մարացրած՝ փոշի դարձրած վիճակում ավելացրեք ալյուրին, որից թխվածք եք պատրաստելու կամ էլ կերեք իրենք իրենցով։

9․ Յոգուրտ․ Պարունակում են օգտակար բակտերիաներ, որոնք առողջացնում է ստամոքսաաղիքային համակարգը, ամրացնում իմունիտետը։ Լավ կլինի, որպեսզի գնեք կենդանի բակտերիալ կուլտուրաներ պարունակող յոգուրտներ։