Էրդողանն ու Մերկելը հեռախոսազրույց են ունեցել. քննարկվել է իրավիճակն Իդլիբում

Թուրքիայի նախագահ Ռեջեփ Թայիփ Էրդողանը զանգահարել է Գերմանիայի կանցլեր Անգելա Մերկելին: Այս մասին տեղեկացնում է թուրքական NTV հեռուստաալիքի կայքը:

Հեռախոսազրույցի ընթացքում քննարկվել են տարածաշրջանային, մասնավորապես՝ Իդլիբի և փախստականների հարցերում երկկողմանի համագործակցության խնդիրները:

Նշվում է, որ Թուրքիայի նախագահը զրույցի ընթացքում շեշտել է փախստականների հարցում պատասխանատվությունը կիսելու և միջազգային պարտավորություններին հավատարիմ մնալու անհրաժեշտությունը:  

 Թուրքիայից հարյուրավոր փախստականներ սկսել են շարժվել դեպի Եվրամիության անդամ երկրների սահմաններ: Դա տեղի է ունեցել նրանից հետո, երբ Անկարան հայտարարել է, որ չի խոչընդոտելու փախստականների շարժին դեպի Եվրոպա: Հաղորդվում էր, որ փախստականների մեծ խմբեր են նկատվել Ստամբուլում, Էդիրնեում, Իզմիրում և Այդընում: