Life > Քիմ Քարդաշյանի ամուսինը ցանկանում է փոխել իր անունն ու դառնալ «Միլիարդատեր-քրիստոնյա-հանճար Քանյե Ուեսթ»

Քիմ Քարդաշյանի ամուսինը ցանկանում է փոխել իր անունն ու դառնալ «Միլիարդատեր-քրիստոնյա-հանճար Քանյե Ուեսթ»

Ipress.am-ը սոցիալական ցանցերում

Fast Company նորարարությունների փառատոնում ռեփեր եւ դիզայներ Քանյե Ուեսթն ասել է, որ կարող է փոխել անունը՝ դառնալով «Միլիարդատեր-քրիստոնյա-հանճար Քանյե Ուեսթ», փոխանցում է СNN-ը ։

«Մարդիկ ասում են, որ հիմարություն է քեզ միլիարդատեր կոչելը։  Ես կարող եմ օրինական կերպով փոխել անունս «Միլիարդատեր-քրիստոնյա-հանճար Քանյե Ուեսթ»-ով մեկ տարով, մինչեւ հասկանան, թե ինչ է դա նշանակում, – ասել է նա՝ Fast Company-ի ավագ հեղինակ Մարկ Ուիլսոնին:

Ուիլսոնը պատասխանել է, որ նոր անունը դժվար կլինի գրել։  Ուեսթը պատասխանել է, որ այն կգրի մեքենայի համարանիշի վրա։

Դրանից մի քանի րոպե առաջ Ուեսթը պատմել է, թե ինչպես է հաղթահարել՝ իր համար դժվար 2016 թվականը, իր Yeezy ապրանքանիշի,ինչպես նաեւ նորարարական եւ էկոլոգիապես անվտանգ լուծումների մասին, որոնք օգտագործում են իր ընկերությունում:

Սա ռեփերի առաջին աղմկահարույց հայտարարությունը չէ։  2009 թվականին, երբ Louis Vuitton ապրանքանիշի համար ներկայացրել էր իր մարզակոշիկների հավաքածուն, նա հայտարարել էր, որ անունը կփոխարինի Մարտին Լուի Քինգ կրտսերի։ Անցյալ տարի էլ նա հայտարարել էր, որ 400-ամյա ստրկությունը մարդկանց սեփական ընտրությունն էր։

-.-