ՀՐԱՏԱՊ > Էրիկ Վարդանյանը որակազրկվել է 6 ամսով

Էրիկ Վարդանյանը որակազրկվել է 6 ամսով

Ipress.am-ը սոցիալական ցանցերում

Հոկտեմբերի 31-ին տեղի ունեցավ Հայաստանի ֆուտբոլի ֆեդերացիայի կարգապահական կոմիտեի հերթական նիստը` ՀՖՖ Կարգապահական կոմիտեի նախագահ Ռուբեն Սինոյանի նախագահությամբ:

Կոմիտեի որոշմամբ, «Արարատ»-«Փյունիկ» խաղին «Փյունիկի» ֆուտբոլիստ Էրիկ Վարդանյանը, մրցավարին հայհոյելու և հրելու, մարզադաշտը լքելիս հանդերձարան տանող ճանապարհի դռանը հարվածելու և կոտրելու, անվայել վարքագծի ու ոչ մարզական պահվածքի համար որակազրկվել է 6 ամսով, իսկ «Փյունիկ» ֆուտբոլային ակումբը՝ տուգանվել 600 հազար ՀՀ դրամով:

Կարգապահական կոմիտեն նաև պատիժ է սահմանել «Լոռի» – «Գանձասար-Կապան» խաղի միջադեպի համար: «Լոռին» հաջորդ 1 տնային հանդիպումը պետք է անցկացնի առանց հանդիսատեսի, իսկ Վանաձորի ֆուտբոլի ակադեմիա ՀԿ-ն տուգանվել է 500000 ՀՀ դրամ:

-.-