Իրավական > Ով է Հյուսիսային պողոտայում կրակոց արձակած երիտասարդը

Ով է Հյուսիսային պողոտայում կրակոց արձակած երիտասարդը

Ipress.am-ը սոցիալական ցանցերում

Սեպտեմբերի 7-ին, ժամը 03.50-ին, ոստիկանության Կենտրոնական բաժին ահազանգ է ստացվել, որ քաղաքացին Հյուսիսային պողոտայում գտնվող ժամացույցի խանութի վրա կրակել է: Այս մասին հաղորդում են ՀՀ ոստիկանության հասարակայնության հետ կապերի և լրատվության վարչությունից:

Ժամը 4.00-ին ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի ծառայողները, նշված խանութի մոտից գողության փորձ կատարելու կասկածանքով, բերման են ենթարկել Կոտայքի մարզի Առինջ գյուղի 23-ամյա մի բնակչի և նշված վայրից ներկայացրել են երիտասարդի անվամբ հաշվառված որսորդական հրացանը։

Մեկնած օպերատիվ խումբը պարզել է, որ երիտասարդը իրեն ամրակցված որսորդական հրացանով, գողություն կատարելու նպատակով, կրակ արձակելու միջոցով փորձել է կոտրել խանութի ապակին, սակայն իր կամքից անկախ հանգամանքներում հանցագործությունն ավարտին չի հասցրել: Դեպքի վայրի զննությամբ հայտնաբերվել է 12 տ/չ որսորդական հրացանի կրակված 1 պարկուճ:

Բերման ենթարկվածը տվել է խոստովանական բացատրություն։ Նշանակվել են փորձաքննություններ: Վնասի չափը պարզվում է:

Նախապատրաստվում են նյութեր:

Facebook Comments

Добавить комментарий

Ваш e-mail не будет опубликован.

-.-