Life > Աստղագուշակ՝ սեպտեմբերի 1-ի համար

Աստղագուշակ՝ սեպտեմբերի 1-ի համար

Ipress.am-ը սոցիալական ցանցերում

Խոյ: Կանեք հնարավոր և անհնար ամեն բան՝ ձեր ծրագրերն իրագործելու համար: Հարկ եղած դեպքում՝ կդիմեք խորամանկության, և, ինչ գնով էլ լինի, ցանկալի արդյունքի կհասնեք: Մտերիմների հետ շփումը հաճելի կլինի: Հարմար օր է ընտանեկան միջոցառումներ կազմակերպելու համար:

Այսօր կարող եք կոմերցիոն գործունեությամբ զբաղվել, գործարքներ կնքել, գնումներ կատարել: Նոր նախաձեռնություններում հաջողության կհասնեք: Որքան ավելի համարձակ լինեն ձեր մտահաղացումներն, այնքան մեծ է հավանականությունը, որ դրանց իրականացումը ձեզ օգուտ կբերի:

Ցուլ

Այսօր ծագած բոլոր խնդիրներին հանգիստ վերաբերվեք: Շատ շուտով իրավիճակը կփոխվի դեպի լավը: Հնարավոր են ուրախալի իրադարձություններ: Կհասկանաք, թե ինչպես է պետք հասնել դրված նպատակներին: Կհայտնվեն մարդիկ, ովքեր կօգնեն այդ հարցում:

Երկվորյակ

Երկվորյակներին աշնան գալստյան հետ սպասվում է իրադարձությունների կտրուկ շրջադարձ: Գործերը, որոնցում ցանկանում եք վերջակետ դնել, կարող են շարունակություն պահանջել: Հնարավոր է հետաձգվեն արմատական փոփոխությունները, օրինակ՝ այլ տուն տեղափոխվելը, արձակուրդ գնալը, պարտականություններից ազատումը: Նախադրյալներ կան անձնական կամ թիմային կոնֆլիկտների սրման, սթրեսային իրավիճակների համար:

Խեցգետին

Խեցգետիններին չեն խանգարի անվտանգության միջոցառումները: Այսօր կարելի է հեշտությամբ գրավել բոլոր պատնեշները: Տհաճ սխալների հավանականությունը բարձր է, եթե չի բավականացնում ձեր փորձը, ճարպկությունը, պատրաստվածությունը, դավաճանում է ինքնազգացողությունը: Չարժե գնալ հարցազրույցի, նոր աշխատավայրի որոնման: Ուշադրություն է պահանջում մերձավոր շրջապատը, որոշակի դեմքի կամ խմբի հետ կապը:

Առյուծ

Աշնան առաջին օրն Առյուծների համար կնշվի գործնական կամ նյութական հոգսերի հերթական փուլի մեկնարկով: Ձեր տրամադրությունը կարող է ուղղակիորեն կապված լինել վճարունակության, եկամուտների մակարդակի հետ: Նորից իրենց մասին կհիշեցնեն նախկին խնդիրները: Հնարավոր է ստիպված լինեք ժամանակի մի մասը հատկացնել վերանորոգմանը, մաքրությանը, բուժմանը: Խորհուրդ է տրվում ժամանակավորապես հրաժարվել գնումներից, գործարքներից, ներդրումներից:

Կույս

Սեպտեմբերի առաջին օրը Կույսերին կստիպի մտածել իրենց չլուծված խնդիրների մասին: Ձեռքբերումները գնահատելու և սխալների վրա աշխատելու համար ստիպված կլինեք մտովի կամ իրականում վերակառուցել ձեր անցած ուղին: Այսօր շատ բան կանխակալորեն կընկալվի, հնարավոր է գրգռվածություն: Անձնականի վրա կենտրոնացումը կարող է բարդացնել հարաբերություններում հավասարակշռության պահպանումը, սրել հետաքրքրությունների կամ սկզբունքների բախումը:

Կշեռք

Կշեռքների համար օրը կարող է ի ցույց դնել ներքին կամ արտաքին աններդաշնակությունը: Կարևոր են քողարկված խնդիրները: Հնարավոր է, որ վստահ չեք ձեզանում, կամ ինչ-որ մեկը ձեզ խոչընդոտում է: Ժամանակ ունեք կարևոր թեմաների շուրջ ևս մեկ անգամ մտորելու, այլընտրանքային տեղեկատվական աղբյուրների հետ աշխատելու: Չարժե արհամարհել կուտակված տեխնիկական և առողջական խնդիրները: Ավելի լավ է հետաձգել ուղևորությունը, խոսակցությունը:

Կարիճ

Կարիճներին կարևոր է թույլ չտալ սխալների կրկնություն: Այն, ինչը ներելի էր ճանապարհի սկզբին, այժմ կարող է ավելի խիստ գնահատվել: Չարժե մոռանալ, որ ձեր սխալներն այժմ կարող են նյութական վնասի պատճառ հանդիսանալ: Արժե ձեռք առնել հնարավոր ամեն ինչ՝ նվազագույնի հասցնելու ռիսկերը, փոքրացնելու ֆինանսական կորուստների հավանականությունը: Արժե նաև պահպանել կարևոր հարաբերությունները, թույլ չտալ կոնֆլիկտների չափից դուրս սրում:

Աղեղնավոր

Աղեղնավորներին խորհուրդ չի տրվում շտապել ապագայի ծրագրերի մասին հայտարարելու հարցում: Անցանկալի են ինքնաբուխ գործողությունները, վերադասների հետ ագրեսիվ վեճերը: Այժմ ավելի լավ է ամփոփել արդյունքները, գիտակցել վերջին իրադարձություններում ձեր իրական դերը, գումարել ստացած գիտելիքները: Ծրագրերը, եզրակացությունները շտկման կարիք ունեն: Հնարավոր է կախվածություն ծնողների, ղեկավարության որոշումներից և գնահատականներից:

Այծեղջյուր

Այծեղջյուրներին աստղերը խորհուրդ չեն տալիս ապրել իդեալական աշխարհում, կողմնորոշվել իդեալական օրինակներով և դրույթներով, քանզի այժմ վճռորոշ դեր են խաղում իրական ձեռքբերումները: Նույնիսկ եթե քիչ բանի եք հասել, չարժե ձեզ համեմատել ուրիշների հետ և արժեզրկել ձեր փորձը, քանզի այն կարող է ձեզ համար շատ կարևոր լինել: Ծրագրելով մոտ ապագայի գործերը՝ չարժե ապավինել բախտին, մարդկանց, ատյանների, վերին ուժերի հովանավորությանը:

Ջրհոս

Ջրհոսների համար սեպտեմբերի սկիզբը կարող է նշանավորվել գործերի դանդաղեցմամբ, առաջընթացի ժամանակավոր հետաձգմամբ: Ընթացքը կարող են դանդաղեցնել  անձնական կյանքում հաճելի փոփոխությունները: Արագության կորուստն արժե փոխհատուցել դետալների մեջ խորանալով, մանր և խոշոր վրիպակների վրա մանրակրկիտ աշխատանքով: Չարժե որոշումներ կայացնել, փակել նախագծեր, կնքել գործարքները, քանի չեն պարզվել հին խճճված խնդիրները:

Ձկներ

Ձկների համար կարող է դժվար առաջադրանք դառնալ ինքնուրույն որոշումներ կայացնելը: Եթե ձեր հայացքները հակասական են, կարող եք հեղինակավոր կարծիքի գերին դառնալ: Հնարավոր է ստիպված լինեք մեկի կողմն անցնել կոնֆլիկտում: Ամուսնական կամ գործնական միության մեջ, մրցակցային պայքարում, դատական գործընթացում իրադարձությունների արդյունքը կարող է հետաձգվել, ինչը ժամանակ կտա երկխոսությանը, վեճին, պաշտպանությանը նախապատրաստվելու համար:

Facebook Comments
-.-