ՀԱՍԱՐԱԿՈւԹՅՈւՆ > Վրաստանում մահացածները մայր ու որդի են եւ նրանց 7-ամյա սանիկը. մանրամասներ ողբերգական վթարից

Վրաստանում մահացածները մայր ու որդի են եւ նրանց 7-ամյա սանիկը. մանրամասներ ողբերգական վթարից

Ipress.am-ը սոցիալական ցանցերում

Վրաստանում այսօր` հուլիսի 7-ին տեղի ունեցած վթարի հետեւանքով մահացել են մայրը, նրա 15-ամյա որդին եւ նրանց սանիկը` 7-ամյա երեխան: Այս մասին NEWS.am-ի հետ զրույցում ասաց Արագածոտնի մարզի Օշականի համայնքապետ Արամ Ներսիսյանը:

Նա նշեց, որ մահացած կնոջ մյուս 14-ամյա որդին ծայրահեղ ծանր վիճակում է գտնվում, մահացածների դիերը դեռ չեն տեղափոխել Հայաստան:

ՀՀ ԱԻ նախարարության մամուլի ծառայությունից էլ հայտնում են, որ հուլիսի 7-ին, ժամը 08:10-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06։00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան (վարորդ՝ Ա.Մ., 43 տարեկան) բախվել է արգելապատնեշին և բռնկվել։

Ավտոմեքենայից դուրս հայտնաբերվել են Ռ.Հ.-ի (42 տ.), Ա.Մ.-ի (7 տ.) և Է.Մ.-ի (15 տ.) դիերը:

ՃՏՊ-ի հետևանքով տուժածներ Ա.Մ.-ն (43 տ.), Ռ.Մ.-ն (13 տ.), Մ.Մ.-ն (31 տ.), Լ.Մ.-ն (15 տ.) և Մ.Մ.-ն (13 տ.) հոսպիտալացվել են Քարելիի և Գորիի բժշկական կենտրոններ:

Բժշկական կենտրոններից ստացված նախնական տեղեկության համաձայն՝ Մ.Մ.-ն (31 տ.) գտնվում է Գորիի ԲԿ-ում, որտեղ բժիշկները տուժածի առողջական վիճակը գնահատել են միջին ծանրության, իսկ Լ.Մ.-ն և Մ.Մ.-ն տեղափոխվել են Թբիլիսի քաղաքի ԲԿ-ներ, որտեղ նրանց առողջական վիճակը գնահատվել է ծանր:

Քարելիի ԲԿ-ում գտնվող Ա.Մ.-ի և Ռ.Մ.-ի առողջական վիճակը գնահատվել է ծանր, վերջիններս նույնպես տեղափոխվել են Թբիլիսի քաղաքի ԲԿ-ներ:

Կտրվի լրացուցիչ տեղեկություն:

-.-