ՔԱՂԱՔԱԿԱՆ > Վճռական հարված կստանան այն ուժերն, ովքեր խաղաղության մեր մղումը կփորձեն մեկնաբանել որպես թուլություն. Նիկոլ Փաշինյան

Վճռական հարված կստանան այն ուժերն, ովքեր խաղաղության մեր մղումը կփորձեն մեկնաբանել որպես թուլություն. Նիկոլ Փաշինյան

Ipress.am-ը սոցիալական ցանցերում

Մենք կողմնակից ենք մեր տարածաշրջանում տևական և կայուն խաղաղություն հաստատելու գործին, Ոստիկանության զորքերի գլխավոր վարչությունում այսօր հայտարարել է ՀՀ վարչապետ Նիկոլ Փաշինյանը։

«Բայց, եթե կլինեն ուժեր, որ մեր այս մղումը կփորձեն մեկնաբանել որպես թուլության դրսևորում, ահա այդ բոլոր ուժերը կստանան մեր հավաքական կամքի, մեր հավաքական ուժի վճռական հարվածը, վճռական հակահարվածը: Եվ այդ հակահարվածը կհեղինակեն նաև Ոստիկանության զորքերի այն ծառայողներն, ովքեր այսօր ամուր կանգնած են Հայաստանի Հանրապետության, հայ ժողովրդի անվտանգության և խաղաղության պաշտպանության դիրքերում», – ասել է վարչապետը։

Նիկոլ Փաշինյանի խոսքով՝ Հայաստանի Հանրապետության ներքին անվտանգության վերաբերյալ պատկերացումը նույնպես կապված է սրա հետ, որովհետև Ոստիկանության զորքերը կոչված են Հայաստանի Հանրապետության ներսում բռնության որևէ դրսևորում կանխարգելելու համար:

Վարչապետը նշել է, որ Ոստիկանության զորքերն ուղարկելով հայրենիքի սահմանները պաշտպանելու, կառավարությունն արտահայտում է իր պատկերացումը Հայաստանի Հանրապետության ներքին հարաբերությունների մասին, որ մեր երկրում պետք է լինի բռնությունից զերծ հանրություն, մի հանրություն, որտեղ տեղ չունի բռնություններով հարցեր լուծելու որևէ մտայնություն, որևէ փորձ, որևէ քարոզչություն:

 1
-.-