Life > Խորեն Աբրահամյանն այսօր կդառնար 89 տարեկան

Խորեն Աբրահամյանն այսօր կդառնար 89 տարեկան

Ipress.am-ը սոցիալական ցանցերում

1930 թ-ի ապրիլի 1-ին լույս աշխարհ եկավ մի դերասան, ով պիտի դառնար հայկական կինոյի ամենահիշվող ու նշանավոր դեմքերից մեկը: Խորեն Աբրահամյան՝ դերասան, ՀԽՍՀ եւ ԽՍՀՄ ժողովրդական արտիստ:

Մասնագիտական կրթությունը Խորեն Աբրահամյանը ստացել է թատերական իստիտուտում, որն ավարտելուց հետո աշխատանքի է անցել Գ. Սունդուկյանի անվան դրամատիկական թատրոնում: Այնտեղ դերասանը կերտել է բազմաթիվ դերեր՝ Ռոմեո, Պեպո, Օթելլո, Արա Գեղեցիկ, Արշակ թագավոր եւ այլն: Նույն թատրոնում նա բեմադրել է նաեւ Նաիրի Զարյանի «Հացավան», Վիլյամ Շեքսպիրի «Ջոն արքա», Պերճ Զեյթունցյանի «Անավարտ մենախոսություն», Պաոլո Ջակոմետիի «Ոճրագործի ընտանիքը» եւ այլ ստեղծագործությունների հիման վրա ներկայացումներ:

Մեծանուն դերասանը մի քանի տասնյակ ֆիլմերում է նկարահանվել. նրա մասնակցոըւթյամբ «Առաջին սիրո երգը», «Մենք ենք մեր սարերը», «Սարոյան եղբայրները» ֆիլմերը հատկապես մեծ ճանաչում են վայելում տարբեր տարիքի կինոսերների շրջանում:

Խորեն Աբրահամյանը մահացել է 2004 թ-ի դեկտեմբերի 10-ին, թաղված է Կոմիտասի անվան պանթեոնում:

Facebook Comments
  • 62
    Поделились
-.-